Halamang Gamot Para sa Highblood
Kung kayo po ay hina-highblood at walang pambili ng gamot, maaari niyo pong subukan ang mga sumusunod na halamang gamot.
Ito po ay aking na-research sa Kalusugan.ph, isa sa mga pinagkakatiwalaang Pinoy health websites. Aking sisimplehan na lamang sa post na ito.
Halamang Gamot Para sa Highblood
1. Bawang
 |
| Bawang, Halamang Gamot sa Highblood |
Kabilang ang bawang sa 10 halamang gamot na aprubado ng DOH. Kaya kung naghahanap kayo ng halamang gamot para sa altapresyon, bawang muna ang inyong subukan.
Paraan ng paggamit:
1. Maghiwa ng bawang at ilagay sa ilalim ng dila sa loob ng ilang minuto.
2. Pwede ring dikdikin at kunin ang katas.
2. Sariwang buko juice
 |
| Buko Juice, Halamang Gamot sa Highblood |
Bukod sa UTI, pwede ring panggamot ang buko juice sa highblood.
Paraan ng paggamit:
1. Inumin na parang tubig. Huwag haluan ng asukal.
3. Salabat
 |
| Salabat, Halamang Gamot sa Highblood |
Hindi lamang pampaganda ng boses ang salabat, ang maanghang at matapang na lasa nito ay nakakapagpababa rin ng altapresyon.
Paraan ng paggamit:
1. Maglaga ng luya.
2. Salain at inumin ang pinaglagaan.
4. Kintsay
 |
| Kintsay, Halamang Gamot sa Highblood |
Masarap na sahog ang kintsay sa mga pagkain, lalo na sa bihon. Ang maganda pa nito, ito ay nagtataglay ng kemikal kontra altapresyon.
Paraan ng paggamit:
1. Kainin nang hilaw.
2. Pwede ring gamiting pansahog sa vegetable salad.
5. Gumamela
 |
| Gumamela, Halamang Gamot sa Highblood |
Tama. Nakakain pala ang bulaklak ng gumamela, at mabisa itong pantanggal ng sodium o asin sa katawan na nagiging sanhi ng highblood.
Paraan ng paggamit:
1. Magpatuyo ng bulaklak ng gumamela.
2. Ilaga ang pinatuyong bulaklak.
3. Salain at inumin ang pinaglagaan.
6. Buto ng sunflower
 |
| Sunflower, Halamang Gamot sa Highblood |
Hindi lang masarap na kutkutin ang buto ng sunflower, pero pwede rin itong gamot sa highblood.
Paraan ng paggamit:
1. I-roast ang buto ng sunflower.
2. Huwag lalagyan ng asin.
3. Balatan at kainin.
Ang mga halamang gamot na ito ay madali lamang matatagpuan sa ating mga bakuran o kaya ay sa mga supermarket ng mall o palengke. Marami pang iba’t ibang halamang gamot para sa highblood, pero nakasalalay din ang iyong paggaling sa pamamagitan ng pagkakaroon ng tamang lifestyle. Kumain nang balanse, mag-ehersisyo at wag mag-bisyo.